Një delegacion nga Shqipëria me në krye guvernatorin e Bankës së Shqipërisë Gent Sejko dhe ministren e Financave Anila Denaj kanë zhvilluar takimet vjetore të Pranverës këtë herë në mënyrë virtual, me përfaqësues të lartë të Fondit Monetar Ndërkombëtar dhe Bankës Botërore.
Gjatë takimeve me zyrtarë të këtyre institucioneve guvernatori Sejko është shprehur se pritet që këtë vit ekonomia shqiptare të fillojë rikuperimin, ndërsa informoi se sistemi bankar i përballoi më së miri goditjet që shkaktoi pandemia dhe mbyllja e bizneseve disa muaj.
Kreditë e këqija në fund të Shkurtit arritën në 8.15%, duke mbajtur të njëjtën trajektore dhe sistemi bankar mbetet i mirëkapitalizuar.
Përfaqësuesit e Fondit Monetar Ndërkombëtar dhe Bankës Botërore thanë se tashmë politikëbërësit duhet t’i kushtojnë një rëndësi të veçantë periudhës së tranzicionit të periudhës pas pandemisë, për të vijuar ruajtjen e stabilitetit makrofinanciar të vendit.
/a.r
