Në portalin zyrtar dhe online të UEFA-s “www.uefa.com, nën titullin “Get Ready for UEFA Euro 2016” ”(bëhu gati për UEFA Euro 2016) është publikuar mundësia e aplikimit për tu paisur me me një biletë për të parë nga afër dhe për të përjetuar “Live” emocionet e skuadrave kombëtare që do të marrin pjesë në këtë edicion të kampionatit europian të futbollit në Francë.
“Me Plis për në Paris”, pra tifozat e shumtë të kombëtares sonë “Kuq e Zi” që kanë shfaqur një interes të madh për të mbështetur heronjtë e De Biasit nga afër, do të kenë mundësinë që të realizojnë ëndrrën e tyre duke ndjekur vetëm proçedurat dhe rregulloren që UEFA ka paracaktuar.
Portali për të aplikuar për biletë do të hapet më datë 14 dhjetor dhe do të qendrojë deri në 10 janar 2016.
Aplikimi për të prenotuar “Biletën e ëndrrave” të çdo shqiptari për ndeshjen dhe ndeshjet e zemrës, mund të kryhet fare thjeshtë, dhe vetëm me disa hapa apo klikime.
Klikimi nr 1- Pasi të hyni në portalin e UEFA-s, www.uefa.com, fare pranë kornizës së sipërme, në të djathatë të shfaqet opsioni ”ticket” (bileta) i cili klikohet, dhe pas saj, shfaqet tabela e përzgjedhjes së skuadrës.
Klikimi nr 2– Pasi klikohet Albania, hapet një tjetër dritare e cila jep të gjitha informacionet mbi mënyrën e aplikimit për tu paisur me biletë.
Klikimi nr 3– Sqaron edhe informon se, për të blerë një biletë online në uefa.com duhet të plotësosh një nga dy kushtet, të cilat janë” “të jetosh në Shqipëri” ose të paktën “të kesh pasaportë shqiptare”.
Klikimi nr 4– Klikimi final, lejon procedurën e aplikimit online, për të zgjedhur ndeshjen që kërkoni të ndiqni.
Në njoftimin zyrtar, UEFA u kërkon të gjithëve që: “Në fund mos harroni të plotësoni edhe opsionin e email, për t’u njoftuar nga UEFA nëse keni fituar të drejtën ose jo të paisjes me biletë”.
