Gjatë një mbledhjeje me konfederatat e futbollit në Francë, Presidenti i FIFA-s, Gianni Infantino, bisedoi në lidhje me shtimin e numrit të ekipeve pjesëmarrëse në Kampionatin Botëror. Prej kohësh, zvicerani ka shprehur dëshirën për zgjerimin e numrit të kombëtareve që marrin pjesën në botëror, për t’i dhënë një shans edhe ekipeve më të vogla.
Megjithatë ka disa arsye që nuk kanë çuar në konfirmimin përfundimtar të këtij vendimi, dhe një është rasti i Shqipërisë. Në një intervistë për të përditshmen franceze “L’Equipe”, Infantino tha se kishte propozuar një kampionat me 40 ekipe. Ai shtoi se ende nuk dihet se cili variant mund të përdoret: 10 grupe me 4 skuadra, ose 8 grupe me 5 skuadra.
“Shqipërisë iu desh të priste 1 javë për të marrë vesh nëse do të kalonte në fazën tjetër gjatë Euro 2016. Duhet ta shmangim këtë, dhe prandaj është propozuar dhe ideja për një kampionat me 48 skuadra”, thotë Infantino.
BW/d.i.
