Avokati Spartak Ngjela ka qenë i ftuar në FaxNews ku ka folur pë samitin i cili u mbajt në Tiranë ditën e sotme. Ngjela është shprehur se kjo ngjarje i ngre vlerat Shqipërisë dhe përshpejton procedurat për të hyrë në Bashkimin Europian.
Gjithashtu Ngjela tha se Amerika është një nga mbështetjet më të mëdha të Shqipërisë dhe Kosovës.
Ngjela: Këto janë gjeste dhe shenja që flasin për historinë e ardhme dhe të shpejtë. Ky samit thotë që shqipëria po hyn me personalitet në BE. Marrëveshjet thonë që po ecet shumë përpara. Këto mund të bëheshin dhe në vend tjetër por u zgjodh Tirana.
Këto janë gjeste që tregojnë personalitetin e një vendi prandaj u zgjodh Tirana për ti dhënë një potencë si vend që është shumë afër anëtarësimit të BE. Ishin dy Shqipëri, njëra që ka hapur negociatat me BE ndërsa tjetra që ka pak kohë që ka shpallur pavarësinë. Të dy vendet Shqiptare morën vulën që njëri do hyjë në BE dhe një tjetër mori vlerë të re. Është dhënë mbështetja e politikës Amerikane e cila po e mbështet shumë Shqipërinë.
Vuçiç njëherë tha nuk vij por pasi u kërcënua tha do vij dhe kur erdhi tha jam me Rusinë, flet si e ëma e Zeqos në majë të thanës. Sillet në këtë mënyrë sepse kjo i ngre vlerat Shqipërisë dhe Kosovës, ata nuk mund ta imagjinonin dot këtë. Ballkani Perëndimor dhe shqipëria ka marrë zhvillim të madh. Washingtoni po mbështet të dyja vendet Shqiptare.
/e.d
