Kryeministri Edi Rama, gjatë një ligjërate në Universiteti i Kombeve të Bashkuara, theksoi rëndësinë e kombinimit të inovacionit me aftësinë për të përballuar sfidat globale, duke deklaruar se “Europa, Azia dhe bota kanë nevojë më shumë se kurrë për këtë qasje”.
Në fjalën e tij në Tokio, Rama solli në vëmendje të kaluarën e Shqipërisë si një vend i izoluar gjatë regjimit komunist, të cilin e krahasoi me “Korenë e Veriut të Europës”, ku mendimi i lirë ishte i ndaluar dhe e ardhmja e qytetarëve mbahej peng.
Kryeministri u ndal edhe te rruga europiane e vendit, duke theksuar se zgjedhja e shqiptarëve për demokracinë pas rënies së komunizmit ishte një vendim ekzistencial. Sipas tij, integrimi në Bashkimin Europian për Shqipërinë nuk është thjesht objektiv politik, por një çështje qytetërimi, ndërsa shtoi se vendi është sot më afër se kurrë anëtarësimit në BE.
“Europa, Azia dhe bota në të vërtet kanë nevojë më shumë se kurrë për aftësinë për të kombinuar aftësinë me inovacionin. Unë vij nga vend që për dekada të tëra njihej si Koreja e Veriut e Europës, një vend i izoluar. Një vend ku shteti bëri të pamundurën për të izoluar jo vetëm kufijtë, por edhe vendin. Mendimi i lirë u shndërrua në erezi, ndërkohë që e ardhmja u shndërrua në një burg.
Në fakt është historia që ndodh, kur zëvendësohet arsyeja. Kur komunizmi ra, shqiptarët bënë një zgjedhje që ishte jo vetëm politike, por edhe ekzistenciale, zgjodhëm demokracinë. Për ne integrimi në BE nuk ka qenë kurrë diçka politike, por diçka ekzistenciale e një qytetërimi. Shqipëria është sot më afër se kurrë për bashkimin Europian, dhe nuk kemi parë kurrë që të jetë kaq konkrete dhe reale”, tha kryeministri Rama.
