Nesti Zefi, studiues i çështjeve fetare, në emisionin “Një Shqipëri” me Mentor Nazarkon foli lidhur me qasjen e Vatikanit ndaj shtetit të Izraelit.
Ai solli në vëmendje fjalimin e Papës mbajtur dy ditë më parë, kur tha se asnjë shtet nuk ka të drejtë të kërcënojë mosekzistencën e një shteti tjetër.
Pjesë nga emisioni:
Çfarë ka ndryshuar në qasjen e Vatikanit ndaj shtetit të Izraelit, me ardhjen e një pape të ri, duke pasur parasysh konfliktet e fundit, por dhe historikun e marrëdhënieve, mes shtetit të Vatikanit dhe Izraelit?
“Në fjalimin e para dy ditëve, Papa tha se asnjë shtet nuk ka të drejtë të kërcënojë mosekzistencën e një shteti tjetër. Diplomacia e Vatikanit është në sinergji të plotë me Amerikën, me shtetet perëndimore,” tha Zefi.
Po ashtu, ai u shpreh se Vatikani ka qenë mbrojtësi më i madh i hebrenjve dhe sipas tij, këtë rol ka luajtur krishterimi dhe në Shqipëri.
“Vatikani ka qenë mbrojtësi më i madh i hebrenjve. Këtë e ka bërë dhe në Shqipëri përmes Konferencës Ipeshkvore të Shqipërisë së asaj kohe, nëpërmjet katolikëve që ishin në pushtet…“
