Kur kanë kaluar dy vite nga miratimi i ligjit për njohjen e statusit të pensionistit për shtetasit e huaj, afro tre mijë pensionistë italianë janë regjistruar në regjistrin e rezidentëve në Shqipëri.
Mediat italiane shkruajnë se kjo lejë e miratuar ofron mundësi tërheqëse për italianët, pasi përfitojnë një sërë benefitesh, duke përfshirë këtu përjashtimin nga taksimi si dhe kostot e ulëta të jetesës. Por nga ana tjetër, edhe dokumentet e pakta që i duhen një të moshuari italian për të marrë lejen e qëndrimit.
Leja e qëndrimit për pensionistë nuk i jep të drejtën të huajit të kryejë asnjë lloj aktiviteti ekonomik ose profesional në Republikën e Shqipërisë. Ky ligj, sipas mediave italiane, po transformon jetën e pensionistëve italianë të cilët po zgjedhin të jetojnë në territorin shqiptar.
/f.s
