Anëtari i lëvizjes politike “Sfida për Shqipërinë”, Gjergj Bojaxhi zbulon arsyet se pse u largua nga Partia Demokratike. I ftuar në emisionin “Opinion” të gazetarit Blendi Fevziu,
“Unë jam kthyer në Shqipëri në vitin 2005, kam qenë 31 vjeç, punoja në Bankën Botëre në Uashington, mu dha mundësia që të vija të kontribuoja dhe të merrja pjesë në bërjen e një modeli të ri. Unë s’kam qenë pjesë e fushatës së vitit 2005, por besoja se Shqipëria ka nevojë për duar të pastëra dhe për shtet të ligjit dhe të së drejtës”, ishte përgjigja e Bojaxhi pas pyetjes së Fevziut.
Ndër të tjera Bojaxhi tregon se “Sfida për Shqipërinë” do të nisë këtë të premte procesin e mbledhjes së firmave, në mënyrë që të marrë pjesë në zgjedhje si një parti politike.
INTERVISTA
Pse u larguat nga kjo forcë politike?
Unë jam kthyer në Shqipëri në vitin 2005, kam qenë 31 vjeç, punoja në Bankën Botëre në Uashington, mu dha mundësia që të vija të kontribuoja dhe të merrja pjesë në bërjen e një modeli të ri. Unë s’kam qenë pjesë e fushatës së vitit 2005, por besoja se Shqipëria ka nevojë për duar të pastëra dhe për shtet të ligjit dhe të së drejtës”, ishte përgjigja e Bojaxhi pas pyetjes së Fevziut.
Të gjithë vinë me duar të pastëra dhe i ndyjnë duart rrugës?
Gjergj Bojaxhi: Unë e ndjej vetën si qytetar i cili ka pas disa detyra publike dhe jam i pastër, do të thotë se nuk jam pjesë e këtij niveli
Çfarë do të thotë “Sfida për Shqipërinë”?
Gjergj Bojaxhi: Kemi qenë një grup i madh njerëzish, rreth 50-100 veta, që kemi diskutuar gjatë për emrin, që nga viti 2016 jemi mbledhur dhe kemi diskutuar për emrin dhe jo vetëm për emrin, por për vlerat dhe rregullat.
Jeni një forcë politike apo një parti politike?
Gjergj Bojaxhi: Do thoja se është një levizje qytetare, të cilët e ndjejnë vetën që janë të papërfaqësuar dhe dëshirojnë që të jenë të përfaqësuar në politike dhe e kuptojnë që nga kjo elitë ekzistuese nuk ka zgjidhje.
Ka nisur procesi i mbledhjes së firmave për të marrë pjesë në zgjedhje?
Gjergj Bojaxhi: Ditën e premte fillon procesi i mbledhjes së firmave. Besoj që është një proces që do na japë mundësinë që ne të komunikojmë më shumë me qytetarët.
Në fakt, kandidimi juaj në zgjedhje ka ardhur pas “Sfidës për Tiranën” të vitit 2015-të, ku ju morët një numër të konsiderueshëm votash
Gjergj Bojaxhi: Me thënë të drejtën nuk është kandidimi për Tiranën, shkak është fakti se ne sot jemi një grup qytetarësh që e ndjejnë vetën qartazi se nuk jemi të përfaqësuar. Jemi një grup qytetarësh që nëse bën pyetjen sot se a jemi të kënaqur me këtë klasë politike, ne nuk jemi të kënaqur.
Gjatë këtyre 25-viteve shumë forca politike kanë dështuar, si do ja dilni ju?
Gjergj Bojaxhi: Ne kemi mësuar nga këto gabime, jemi një grup qytetarësh të cilët kemi ndërtuar diçka. Jemi së bashku, nuk është ndërtuar nga dy individë dhe tërheqin disa të tjerë që hajdeni këtu dhe bëjmë disa pazare.
