Ministri i Jashtëm gjerman, Heiko Maas pas takimeve me ministrin e jashtëm Ditmir Bushati dhe me kreun e opizitës, ka zhvilluar një takim edhe me kryeministrin Rama
Gjatë fjalës së tij, kryeministri Rama deklaroi se qeveria do vazhdojë implementimin e reformave për integrimin në BE
Rama, shfrytëzoi vizitën e Ministrit të Jashtëm gjerman, Heiko Maas,në Tiranë për ti kërkuar publikisht mbështetjen e Gjermanisë për kandidaturën e Shqipërisë për drejtimin e OSBE.
“I jemi mirënjohës Merkelit për rolin e rëndësishëm në funksion të mbështetjes së reformë në drejtësi dhe të gjitha reformave të tjera që lidhen drejtpërdrejt me progresin në funksion të integrimit në BE. Kemi qenë dhe mbetemi të vendosur në ruajtjen e një linje koherente në politikën tonë të jashtme, cka nënvizohet edhe nga raportet e BE. Me ministrin do të vazhdojmë të bisedojme dhe do përsëris kërkesën për Gjermaninë për të marrë mbështetje për kandidaturën e Shqipërisë për drejtimin e OSBE, kjo do i shërbente edhe situatës në rajon.Faleminderit, që mes Maqedonisë dhe Greqisë, zgjodhët që drekën ta kaloni në Shqipëri”, deklaroi Rama
Ministri i jashtëm gjerman, konfirmoi mbështetjen e Gjermanisë për integrimin e Shqipërisë.
“Prespektiva europiane e Shqipërisë nuk është vetëm fjalë, keni mbështetjen më të plotë”, deklaroi Maas.
Ministri gjerman u shpreh se ka rezistencë për negociatat, dhe duhet të vazhdohet me reformat.
“Keni lënë gjurmë si kryetar bashkie në Tiranë.Në Tiranë mund të shikosh tolerancën fetare, çka i jep shpresë gjithë botës. Keni nisur reforma të thella, si ajo e drejtësisë, e kudo njohur si në rajon, por edhe BE. Negociatat, vijoni procesin e reformave. Ka kundërshti dhe rezistencë në këto procese.Shqipëria do të ketë gjithmonë mbështetjen e Gjermanisë. Prespektiva europiane e Shqipërisë nuk është vetëm fjalë, keni mbështetjen më të plotë.”, deklaroi Maas
Javanews/a.ç
