Nga Mentor Kikia
Shqipëria është një vend sovran, por politikisht ajo ka qenë vazhdimisht nën monitorim, nën kontroll dhe nën një ndikim të fortë të faktorit ndërkombëtar. Në Tiranë nuk ka struktura zyrtare ndërkombëtare që diktojnë mënyrën sesi drejtohet vendi, por ndikimi i përfaqësive diplomatike ka qenë vendimtar në shumë procese, apo në shuarjen ë shumë konflikteve politike të brendshme. Ne të gjithë jemi koshientë se pa këtë kontroll ndërkombëtar mbi kokë, politika jonë disa herë do ia kishte vënë flakën Shqipërisë.
Por këtë vit ka një lajm më të mirë. Përfaqësitë diplomatike nuk janë më vetëm këshillues, por kanë marrë një rol edhe më aktiv. Konkretisht: Ambasadori i SHBA, ajo e BE-së dhe një dyzinë diplomatësh të tjerë kanë marrë në dorë jo vetëm mbrotjen por edhe hartimin e reformës në drejtësi. Prej disa javësh ata janë vënë në krye të një fushate të ashpër të luftës kundër korrupsionit, me theks realizimin e reformës në drejtësi. Asnjëherë më parë komuniteti i gjykatësve, përgjegjës kryesor për shkatërrimin e besimit të qytetarëve tek shteti i tyre, e për pasojë edhe tek e ardhmja në këtë vend, nuk ishte vënë para akuzave publike në një sallë, duke i kërcënuar madje: Ikni, ose do të shkoni në burg. Ambasadoret i dhanë sot edhe “lejen” policisë të ndërhyjë, nëse në protestën e të enjtes të PD-së do të ketë sërish dhunë.
Mund të duket fataliste për një shqiptar që kërkon protektorat mbi vendin e tij. Por kjo është zgjidhja e vetme mesa duket. Ne tashmë të gjithë nuk kemi besim tek drejtësia jonë, institucionet tona, as tek politika jonë, as tek parlamenti(më qesharaku qëkurse u bëmë shtet), as tek qeveria, as tek opozita. Po, ne i besojmë më shumë selive të huaja diplomatike dhe realisht shpresojmë që ato të marrin sa më shumë pushtet në këtë vend.
P.S: Besoj e dini sa shumë letra ankesash u shkojnë në ditë ambasadave në Tiranë. Eshe kur paraplegjikët nuk marrin pagesën mujore u drejtohen madiave dhe ambsadave të huaja.
