Komiteti Monitorues i CoE-PACE ka vendosur të mbështesë kalimin e Shqipërisë në fazën e dialogut të postmonitorimit.
“Lajm i mirë nga Pace_News! Pas 29 vitesh të gjata nën monitorim të plotë nga Asambleja Parlamentare e Këshillit të Evropës, që nga anëtarësimi i Shqipërisë në këtë Organizatë në vitin 1995, Komiteti Monitorues i CoE-PACE ka vendosur të mbështesë unanimisht kalimin e Shqipërisë në fazen e dialogut te postmonitorimit. Ky vendim është një tregues i qartë i progresit të konsiderueshem të Shqiperise në forcimin e shtetit të së drejtës, të drejtave të njeriut dhe demokracisë. Ne rikonfirmojmë përkushtimin tonë për të përmirësuar më tej standardet tona demokratike, ndërsa perparojme në mënyrë të qëndrueshme në rrugën evropiane që qytetarët shqiptarë meritojnë”,sipas postimit të ministrit Hasani.
/f.s
