Kryeministri Edi Rama ka zbuluar se janë kryer 600 mijë vaksinime anti Covid në të gjithë vendin.
“600 mijë vaksinime, Shqipëria buzëqesh”, thuhet në statusin e publikuar nga kreu i qeverisë.
Në Shqipëri po vijon vaksinimi i qytetarëve sipas grupeve me vaksinat Pfizer, AstraZeneca, Sinovac dhe Sputnik V. Fushata e vaksinimit në vendin tonë ka nisur që prej javëve të para të Janarit të këtij viti.
Autoritetet shprehen se procesi i vaksinimit po kryhet sipas të gjithë parametrave të sigurisë dhe cilësisë nga ekipe të trajnuar vaksinatorësh në të gjithë vendin. Ndërkohë, ditët e fundit janë raportuar shifra të ulëta të rasteve të reja, ç’ka ka sjellë që Shqipëria të dalë nga zona e kuqe e Covid-19.
