Me rastin e 15-vjetorit të anëtarësimit të Shqipërisë në NATO, Kryeministri Edi Rama deklaroi se vendi ynë ka kontribuar me krenari në mbrojtjen kolektive dhe sigurinë.
Përmes një postimi në rrjetet sociale, Rama u shpreh se Shqipëria është e nderuar të qëndrojë krah për krah me aleatët, në radhë të parë me Shtetet e Bashkuara.
“Faleminderit Sekretar Blinken. Ky 15-vjetor i anëtarësimit të Shqipërisë në NATO nuk është vetëm një festë e arritjeve tona të së shkuarës, por edhe një riafirmim i përkushtimit tonë të palëkundur ndaj parimeve dhe vlerave që mbështesin Aleancën tonë. Gjatë 15 viteve të fundit, Shqipëria ka kontribuar me krenari në mbrojtjen kolektive dhe sigurinë e NATO-s dhe ne mbetemi të palëkundur në përkushtimin tonë për të mbështetur paqen dhe vlerat demokratike në të gjithë rajonin tonë dhe më gjerë.
Ne jemi të nderuar të qëndrojmë krah për krah me aleatët tanë, në radhë të parë Shtetet e Bashkuara, ndërsa vazhdojmë të përshtatemi dhe forcojmë bashkëpunimin tonë përballë sfidave globale në zhvillim. Ne presim shumë vite të tjera bashkëpunimi të frytshëm brenda familjes së NATO-s. Faleminderit për aleancën, miqësinë dhe partneritetin”, shkruan Rama në X./m.j
Thank you Secretary Blinken.
This 15th anniversary of Albania's accession to NATO is not only a celebration of our past achievements but also a reaffirmation of our unwavering commitment to the principles and values that underpin our Alliance. Over the past 15 years, Albania has…— Edi Rama (@ediramaal) April 2, 2024
