Shqipëri-Serbi, UEFA takim sekret me SHISH-in, FSHF-në dhe ambasadorin serb në Tiranë
Siguria në ndeshjen e 8 tetorit në Elbasan Arena ndërmjet Shqipërisë dhe Serbisë është shqetësimi më i madh i UEFA-s. Kjo u konfirmua në takimin e kërkuar nga UEFA që mblodhi në Tiranë përfaqësues të Federatës Shqiptare, ata të Federatës Serbe, zmbasadorin serb në Shqipëri, zv.drejtorin e përgjithshëm të Policisë së Shtetit, Altin Qato, zyrtarë të Gardës së Republikës, të Shërbimit Informativ Shtetëror, Ministrisë së Brendshme dhe Ministrisë së Sporteve. Mbledhja është drejtuar nga Oficeri i Sigurisë së UEFA-s, Kenny Scott, duke konfirmuar rëndësinë dhe përmasat që ka marrë mbarëvajtja e sfidës kualifikuese drejt Euro 2016, raporton Supersport.
Oficeri i UEFA-s për sigurinë vendosi që mediat të mos ishin të pranishme për asnjë moment në sallën e mbledhjeve, ndërsa i kërkuar të pranishmëve që detajet e diskutuara të mbahen “Top sekret”
