Shqipëri-Serbi, Tahiri në Elbasan: Të mos cënohet nga asnjë akt i paligjshëm
Ministri i Brendshëm Saimir Tahiri ka zbritur vetë në terren për të parë masat e Policisë për ndeshjen Shqipëri-Serbi që do të zhvilliohet me datë 8 Tetor në “Elbasan Arena”.
Për këtë arsye, ministri udhëtoi sot drejt qytetit të Elbasanit për të zhvilluar një takim me drejtuesit e strukturave të policisë.
Takimi në të cilën do të koordinohen masat për mbarëvajtjen e ndeshjes që do të luhet në “Elbasan Arena” u mbajt pa praninë e medias. Pas takimit Tahiri deklaroi se kryeministri Rama ka ngritur një grup pune për masat për ndeshjen Shqipëri-Serbi dhe bëri apel që “ndeshja të mos cënohet nga asnjë akt i paligjshëm”. “Ditën e ndeshjes të tregojmë vlerat e shoqërisë sonë”, u shpreh Tahiri.
Në takim ishte drejtori i Policisë së Shtetit Haki Çako, prefekti i Elbasanit, Arben Kamami si edhe drejtori policisë së qarkut Elbasan Alfred Cepe.
