Rreth dy muaj para ndeshjes së kthimit, Shqipëri-Serbi që do të zhvillohet më 8 tetor Kryeministri Edi Rama ka mbledhur drejtuesit më të lartë të institucioneve të sigurisë. Shefi i qeverisë ka thirrur në një takim ministrin e Brendshëm Saimir Tahiri, ministren e Mbrojtjes Mimi Kodheli, kreun e SHISH, Visho Ajazi Lika dhe kreu i FSHF-së Armando Duka.
Takimi ka të bëjë me masat e sigurisë që do të ndërmerren gjatë ndeshjes Shqipëri- Serbi që luhet më 8 tetor. Një nga temat e takimit është dhe shitja e biletave të shoqëruara me karta identiteti.
Kryeministri serb, Aleksandër Vuçiç, ka konfirmuar në një intervistë për të përditëshmen gjermane, “Süddeutsche Zeitung” se do të vijë në Shqipëri për takimin e kthimit të kulifikueseve të Euro 2016.
