Mbledhja e përbashkët e dy qeverive, të Tiranës dhe Prishtinës, e cila planifikohej të mbahej në 24 prill është shtyrë. Lajmin e bëri të ditur Klan Kosova që nuk ka dhënë elementë shtesë të lajmit. Megjithatë nga burime pranë kryeministrit kosovar, flitet se z. Isa Mustafa ka shumë detyrime në këto ditë dhe e pret një axhendë tepër të ngarkuar.
Në fakt, flitet për kalimin e Demarkacionit me Malin e Zi në parlamentin kosovar, që mendohet se do të kalojë ditën e hënë në parlament, kurse në rast dështimi të tij mendohet që të prishet koalicioni drejtues mes PDK dhe LDK dhe Kosova të kalojë në zgjedhje të parakohshme.
Mbledhja e 24 prillit do të ishte e katërta që mbahej mes dy qeverive të Shqipërisë dhe Kosovës, pas atyre të organizuara më herët në Prizren, Tiranë dhe Prishtinë. (b.an)
