Frika nga ndonjë sulm i mundëshëm terrorist gjatë ndeshjes Shqipëri-Izrael ka bërë që agjentët e shërbimit sekret izraelit, Mossad, të vijnë në Shqipëri për sigurinë e kombëtares së tyre.
Burime nga policia e shtetit dhe Shërbimi Informativ Shtetëror bënë me dije për ReportTv se në planin e masave janë parashikuar 3000 forca, përfshirë të gjitha agjencitë ligjzbatues të vendit.
Përsa i përket sigurisë së stafit izraelit dhe lojtarëve të ekipit të tyre gjithçka do të monitorohet nga shërbimet inteligjente të Mossad-it dhe në terren shoqërimi do të jetë vetëm me forcat e repartit special RENEA.
Ndërkohë që Tirana dhe Elbasanit prej të premtes paradite, më 11 nëntor deri të shtunën pas përfundimit të ndeshjes Shqipëri-Izrael do të kalojnë në “shtet rrethim” dhe niveli i sigurisë do të jetë “i kuq”.
Masat e sigurisë për këtë ndeshje pritet të jenë krejt të kundërta nga aktivitetet e organizuara më parë kjo për shkak dhe të alarmit të krijuar pas arrestimit të 4 të dyshuarve si xhihadistë, të cilët dyshohet se kishin një plan për të krijuar trazira në Shkodër ku dhe ishte parashikuar të luhej kjo ndeshje./a.m.
