Organizata globale e policisë Interpol ka dërguar një ekip në Moldavi për shkak të shqetësimeve për trafikimin e qenieve njerëzore, pasi vendi përballet me një rritje të madhe të refugjatëve që vijnë nga Ukraina.
Që nga fillimi i pushtimit rus, pothuajse 380,000 ukrainas janë larguar drejt Moldavisë, e cila ka një popullsi prej 2.6 milionë banorësh dhe është një nga vendet më të varfra në Evropë.
Ekipi i Interpolit do të vendoset në kryeqytetin Kishinau dhe kampe të ndryshme refugjatësh, thuhet në një deklaratë.
Sipas BBC, agjencia ka marrë tashmë raporte për trafikantët e qenieve njerëzore dhe kontrabandistët që presin në pikat e kontrollit kufitar duke pritur ukrainasit.
“Fëmijët dhe të miturit e pashoqëruar janë veçanërisht të cenueshëm ndaj shfrytëzimit nga kontrabandistët dhe trafikantët,” paralajmëroi Interpol, pergatiti Panorama.
