Helmut Kohl, sipas informacioneve të revistave “Bunte” dhe “Spiegel Online” ndodhet në pavionin e reanimacionit në Kirurgjinë e Klinikës Universitare në Heidelberg. Mediet i referohen të dhënave nga rrethi i ngushtë i 85 vjeçarit. Kohl, sipas këtyre të dhënave, ka qenë për një kohë të gjatë pa ndejnja. Sipas “Spiegel Online” ish-kancelari ndodhet qysh prej tri javësh në pvionin e reanimacionit.
Për Agjencinë Gjermane të Lajmeve (DPA) deri tani nuk është dhënë konfirmim as nga Qeveria Federale, as nga kryesia qendrore e partisë kristiandemokrate dhe as nga klinika. Eventualisht do të jepet një deklaratë më vonë në marrëveshje me familjen, tha një zëdhënës i spitalit, ku është i shtruar Helmut Kohl.
Më 4 maj Kohl pati përballuar me sukses edhe një operacion në pjesën e pasme të legenit dhe atij iu implatua një këllk i ri në Heidelberg. Fundjavën e parë të qershorit Kohl, që njihet si kancelari i ribashkimit të Gjermanisë, duhej t’i nënshtrohej një kure në një klinikë rehablitimi në Bavari.
DW
