Dritë në fund të tunelit për shqiptarin Lorenc Hoxha, i cili vuan nga një sëmundje e rëndë.
Një ditë pasi deputeti i Neëcastle shprehu shqetësimin për të riun shqiptar me tumor në kokë që u arrestua nga policia angleze se nuk kishte dokumente, raportohet se ai është rishtruar në spitalin ku u arrestua, dhe është në pritje të përgjigjeve të analizave në spitalin RVI Neëcastle. 27-vjeçari u ripranua në klinikë.
Hoxha u lirua nga qendra e paraburgimit të emigracionit në Londër dhe u kthye në Neëcastle. Sir Len Fenëick, i tha mediave: “Shqiptari ka marrë konsultim të detajuar me specialistet pasi ‘paraqitet një situatë e pasigurt’ dhe mjekët janë duke pritur rezultatet e analizave. Ndërsa ai nuk flet fare anglisht, spitali i ka dërguar një përkthyes”.
Avokatët e Hoxhës thanë se policia e mori atë direkt nga reparti i kujdesit intensiv dhe e çoi në qeli veshur me kostumin e spitalit dhe me pantofla. Mësohet se operacioni ishte marrë përsipër të paguhej nga prezantuesi i “North East TV”, Si King, i cili e ka mik shqiptarin, raporton BBC.
