Një grup humanitar spanjoll thotë se ka shpëtuar më shumë se 200 emigrantë që përpiqeshin të kalonin Detin Mesdhe, duke përfshirë një grua shtatzënë.
Ishte Grupi “ProActiva Open Arms” që ka shpëtuar emigrantët të cilët po shpresonin të arrinin në Itali. Ata u shpëtuan rreth 25 milje në veri të qytetit bregdetar libian të al-Khums, të mërkurën në mëngjes.
Italia po ndihmonte rojet bregdetare të Libisë për të kapur anijet e kontrabandistëve njerëzorë.
Milicia dhe zyrtarët e sigurisë i thanë së fundmi mediave se qeveria e Libisë në Tripoli, e mbështetur nga Italia, gjithashtu ka paguar milicitë e implikuara në trafikim për të frenuar rrjedhën e anijeve migrante.
Sipas mediave të huaja, në mesin e emigrantëve të shpëtuar ka qenë edhe një grua nga Gana, e cila lindi një vajzë, pas mbërritjes së anijes së grupit – para se të vinte ndihma e shpejtë. /a.m.
