Rritjen e çmimit të naftës, qytetarët e Serbisë e kanë pritur me bllokim të akseve rrugore dhe paralizim të trafikut.
Ndonëse paga mesatare në Serbi është rreth 450 euro, ata thonë se nuk e përballojnë dot çmimin 1.3 euro që ka kapur benzina dhe 1.24 euro që ka shkuar nafta.
Protesta e fundit u zhvillua të martën, ku qindra drejtues automjetesh bllokuan për 20 minuta një nga autostradat hyrëse të Beogradit, duke shkaktuar probleme në qarkullimin rrugor.
Që prej ditës së premte protesta të kësaj forme po zhvillohen në Serbi. Nisma ishte e një grupi qytetarësh në rrjetet sociale.
Ky grafik tregon rritjen me 10 cent që ka pësuar çmimi i benzinës brenda tre muajsh.
Qytetarët ia venë fajin tatimit të vendosur nga qeveria për çdo litër nafte, që sipas tyre zë 55% të çmimit. Por qeveria mbrohet duke thënë se rritja e çmimit reflekton luhatjet e tregut ndërkombëtar dhe tarifat e kërkuara nga institucionet financiare ndërkombëtare.
a.ç
