E padëgjuar më parë, por kandidati i Berishës dhe Metës duket se ka vendosur t’i takojë vec e vec banorët e Tiranës, sipas zonave nga vijnë.
Sot, Belind Këlliçi njofton se zhvilloi një takim me komunitetin e qytetarëve nga Lushnja, të cilët prej vitesh jetojnë në kryeqytet.
Ai shprehet se në takim shpalosi disa nga pikat e programit të tij.
“Unë do ta bëj realitet pas 14 Majit, për të vetmen arsye sepse besoj fort dhe jam i bindur se ky qytet nuk është i varfër por është i vjedhur. Kjo çështje është vetëm çështje e vullnetit politik dhe jo financash. Buxheti i bashkisë së Tiranës sot është 240 milionë euro. Për të mundësuar autobusin falas për për 200 mijë qytetarë të Tiranës në ditë, mjaftojnë 16.5 milionë euro në vit. Vetëm 6.8% e buxhetit”-u shpreh Belind Këlliçi.
/a.r
