• Kontakt
  • Kreu
  • Rreth Nesh
Wednesday, November 11, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

Shpifja mundet vetëm duke u izoluar

by Astrit Patozi
18/10/2018 17:55
Shperndaj ne FacebookShperndaj ne Twitter

Nga Astrit Patozi

(Ose nje sugjerim modest për gazetarët e shqetësuar nga debati që ka sajuar Edi Rama)

Nuk e kam zakon të jap këshilla, por një sugjerim do t’ua jepja, po të ma pranonin, gazetarëve të shqetësuar nga e ashtuquajtura paketë “antishpifje” e kryeministrit.

Ka vetëm një mënyrë për ta mundur Edi Ramën dhe këdo politikan tjetër në këtë fushë, gjithmonë nëse e keni realisht qëllim: injorojeni atë dhe merruni vetëm me të vërtetën!

Nuk ka rast më të mirë për t’i veçuar mashtuesit dhe për t’i nxjerrë ata zbuluar para publikut, se sa t’i lësh vetëm të grinden me njëri-tjetrin. Historia ka treguar se jo rrallë konfliktet e ashpra mes palëve kanë ndihmuar publikun për të mësuar më shumë “sekrete” të salloneve politike. Dhe këtu diçka mund të përfitohet.

Nuk ka dënim më të rëndë për shpifjet dhe shpifësit sesa izolimi i tyre. Sikurse, nuk ka ndihmë më të madhe për ta, se sa të bëhesh pjesë e kënetës së tyre.

Qeveria nuk ka asnjë mundësi praktike që të ndryshojë e vetme legjislacionin aktual, ku parashikohen edhe dënimet për shpifje, sepse nuk i ka votat. Por atë nuk e pengon asgjë për të hapur një debat fals, me shpresën që të përfshihet i madh e i vogël në Shqipëri, që të harrohen apo të kalojnë në plan të dytë temat përvëluese. Dhe kjo është, as më shumë e as më pak, por ta bësh si demat, kur ndjekin bezen e kuqe të toreadorit.

E vetmja gjë që ka në dorë qeveria sot është të inkurajojë zyrtarët dhe të zgjedhurit e saj që të kunkurrojnë njëri-tjetrin me padi, gjë që mund të bëhet edhe tani, pa pasur nevojë për direktivën e Edi Ramës. Atëherë, çfarë nevoje ka që një gazetar apo opinionist të shqetësohet nga një nismë, që mund të katandiset në një udhëzim i Këshillit të Ministrave apo në një rezolutë të Asamblesë së Partisë Socialiste?

Është naive të mendosh se kryeministri sot, nesër dhe gjithë jetën do të mërzitet dhe do të reagojë me inat prej akuzave dhe sharjeve personale. Le më pastaj ta lidhësh furinë e tij me ato që thuhen dhe shkruhen çdo ditë për Taulant Ballën, Gramoz Ruçin, Arben Ahmetajn, Vangjush Dakon apo ndonjë socialist tjetër sado të rëndësishëm. Madje, nuk e teproj të them, se ai do të ishte gati të paguante gjysmën e buxhetit, që shtypi të merrej mundësisht vetëm me këtë punë.

Me kushtin që të mos thuhej asnjë fjalë për mënyrën se si ai qeveris, për skandalet dhe aferat, për korrupsionin dhe abuzimet, për paligjshmërinë, arbitraritetin dhe arrogancën e “Rilindjes”.

Shpifjet më të mëdha në këtë vend nuk janë akuzat e politikanëve për njëri-tjetrin, por mashtrimet e qeverive për krime të rënda, të ndëshkueshme penalisht dhe moralisht, të cilat i kanë shkaktuar plagë të mëdha Shqipërisë në gjithë këto vite.

Ndaj, mos ia jepni kënaqësinë kryeministrit t’ju klasifikojë si militantë, kur kërceni më fort se kundërshtarët politikë në akuza dhe në sharje kundër tij, sepse pikërisht ky është qëllimi i Edi Ramës.

Nëse doni ta dëmtoni realisht kryeministrin, ruani qetësinë dhe mbi të gjitha besueshmërinë që të jep e vërteta dhe neutraliteti. Në doni ta torturoni, lërini mënjanë emocionet dhe përqëndrohuni tek faktet dhe provat. Janë pikërisht këto armët më të forta që keni në dispozicion, prej të cilave po kërkon, jo pa sukses, që t’ju çarmatosë Edi Rama.

Ndaj mos hyni pa kuptim në garën se kush e shan Edi Ramën më shumë se Luli, se i bëni nder atij! Merita është që këtë punë ta bëni ndryshe nga Luli, sepse vetëm ashtu mund t’i dhëmbë realisht. Dhe kjo jo thjesht se atij i ka marrë dorën për ta mundur, sa herë i del përpara, por edhe pse Lulzim Basha vetë nuk ka ndonjë raport për t’u krenuar me të vërtetën.

Next Post
Rama bën ‘check up’-in: A mjafton metri për të më matur mua?

"Kujdes çfarë del nga analizat e gjakut", PD sulmon Ramën pasi bëri CheckUp-in

Leave a Reply Cancel reply

Your email address will not be published. Required fields are marked *

TË FUNDIT

Ekonomi shpjegon çfarë është taksa e vinjetës: Ja sa do të paguhet për makinën

Ekonomi shpjegon çfarë është taksa e vinjetës: Ja sa do të paguhet për makinën

November 10, 2026
Përplasje e fortë mes konspiracionistëve të protestës, akuza për fonde të huaja, lidhje me Soros dhe “mercenarë oligarkësh”!

Protesta e ‘flamingove’/ Deputeti i PS: Kërkesa për ndalimin e investimit të huaj, tipike komuniste e anti-kapitaliste

November 10, 2026
Ministria e Mbrojtjes përgënjeshtron denoncimin për mungesë uniformash në FA: Nuk pasqyron realitetin!

Ministria e Mbrojtjes përgënjeshtron denoncimin për mungesë uniformash në FA: Nuk pasqyron realitetin!

November 10, 2026
Ekzekutimi i shqiptarit në Spanjë, detajet e atentatit që tronditi Costa Blanca-n, dyshime për vrasje me pagesë

Ekzekutimi i shqiptarit në Spanjë, detajet e atentatit që tronditi Costa Blanca-n, dyshime për vrasje me pagesë

November 10, 2026
Zogaj: Faji mbetet jetim, OSBE/ODIHR-i u referohet partive për shitblerjen e votave dhe incidentet

Zogaj: SPAK po provon me majat e Piramidës se askush nuk është mbi ligjin

November 10, 2026
Hetimi për “The Albanian Files”, Dudushi: Mos ngatërrojmë librin arkitekturor me punët e pista

Hetimi për “The Albanian Files”, Dudushi: Mos ngatërrojmë librin arkitekturor me punët e pista

November 10, 2026
Nga Shallvaret dhe “Pazari i Ri” tek faqet në internet, zbulohet prostitucion në zemër të kryeqytetit

Nga Shallvaret dhe “Pazari i Ri” tek faqet në internet, zbulohet prostitucion në zemër të kryeqytetit

November 10, 2026
Vizita në Paris/ Rama nxjerr pamjet, pritet në mbrëmjen e organizuar nga Macron në Pallatin Elysée

Vizita në Paris/ Rama nxjerr pamjet, pritet në mbrëmjen e organizuar nga Macron në Pallatin Elysée

November 10, 2026
Hekurudha Vorë- Hani i Hotit, 5 kompani kalojnë fazën e parë për mbikëqyrjen

Kur do të përfundojë hekurudha Tiranë-Durrës-Rinas? Përgjigjet ministri Enea Karakaçi

November 10, 2026
SHBA paralajmëron rrezik nga grupet e mbështetura nga Irani, Klosi: Shqipëria e sigurt brenda NATO-s

Kërkesa e Veliajt për pjesëmarrje në Asamble| Klosi: Do e diskutojmë në forume, problem paraburgimi

November 10, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In