Një numër prej 288 migrantësh janë shpëtuar gjatë 48 orëve të fundit, në veri të Libisë, nga dy anije që patrullojnë në detin Mesdhe.
Gjatë operacionit të fundit, organizata SOS Mediterranee, deklaroi se anija e saj “Ocean Viking”, shpëtoi 90 vetë nga një gomone e gjetur në ujërat ndërkombëtare, afërsisht 150 kilometra larg bregdetit libian.
“Të mbijetuarit raportojnë se gomonia u largua nga Al Khoms, Libi, të martën në mbrëmje”, deklaroi “SOS Mediterranee”, që së bashku me organizatën Mjekë pa Kufij (MSF), drejton “Ocean Viking”.
Ky shpëtim e çoi në 215 numrin e përgjithshëm të të shpëtuarve në bordin e “Ocean Viking”.
73 persona të tjerë u shpëtuan sot nga “Open Arms”, një organizatë joqeveritare spanjolle, që drejton një varkë me të njëjtin emër.
/a.r
