Autoritetet detare franceze dhe britanike shpëtuan në dy ditë në brigjet e Pas-de-Calais mbi 40 emigrantë në përpjekje për të arritur në Angli në bordin e gjashtë anijeve të vogla, njoftuan sot disa burime zyrtare.
Pesë gomone që po transportonin 40 persona me origjinë nga Iraku, Irani dhe Afganistani u sinjalizuan ditën e Krishlindjes, sipas Ministrisë së Brendshme britanike.
Një tjetër anije, me tre emigrantë në bord u interceptua më herët të mërkurën.
‘’Ne kemi prova që disa organizata kriminale janë burimi i përpjekjeve të kalimeve të paligjshme nga La Manche me anije të vogla ‘’, u shpreh një zëdhënës i Ministrisë.
/a.rada
