Kreu i Partisë për Drejtësi Integrim dhe Unitet Shpëtim Idrizi pritet të zgjidhet si nënkryetari i ri i Kuvendit të Shqipërisë. Është vetë PDIU që pritet të propozojë sot emrin e Shpëtim Idrizit për postin e nënkryetarit të Parlamentit.
Kjo është bërë e ditur nga publikimi i rendit të ditës së Kuvendit të Shqipërisë në seancën e sotme, ku pritet që kjo parti të propozojë kryetarin e saj.
Në këtë mënyrë Kuvendi do të ketë tre nënkryetarë: Edmond Spahon e PD, VAngjel Dulen e PBDNJ dhe Shpëtim Idrizin e PDIU.
Ky është posti i parë publik që kryeministri Rama i jep partisë së Shpëtim Idrizit pasi PDIU vendosi të dalë nga koalicioni i djathtë e të bëhet pjesë e koalicionit të majtë.
Një marrëveshje që u arrit para fushatës për zgjedhjet e 21 qershorit, për të cilat PS i ka lënë PDIU tre zona të lira, Konispolin, Rrogozhinën dhe Peqinin. Por bashkëpunimi i PDIU me të majtën nisi që me diskutimin e më pas miratimin e reformës administrative, të cilën PBDNJ e Vangjel Dules e ka kundërshtuar.
Emri i Idrizit u votua me 73 vota PRO pasditen e së enjtes.
