Arjan Pino 41 vjeç dhe Rei Karriqi, 23 vjeç janë dy personat e arrestuar pasi dyshohen si autorë të dyshuar për shpërthimin me grantë në Prrenjas.
Shpërthimi ndodhi në lokalin e ish-sekretarit të PD-së në Prrenjas, Dhimitër Kokonozi, 4 ditë më parë.
Policia pak më parë bëri me dije se njëri prej të ndaluarve, është me precedent të theksuar kriminal, në Shqipëri dhe në Itali, për vepra penale në fushën e krimeve ndaj personit dhe pronës.
Sakaq blutë sekuestruan 2 aparate celulare.
Vijon puna, nën drejtimin e Prokurorisë, për dokumentimin e plotë të motivit dhe të rrethanave të kësaj ngjarjeje.
/s.f
