Një person u plagos teksa punonte në dyqanin e celularëve në pronësi të tij. Bëhet fjalë për shtetasin Gentian Hoxha 26-vjeç, i cili siç edhe dëshmitarët thonë ka humbur gishtat e duarve nga shpërthimi.
“I dëmtuari kishte humbur gishtat e duarve. Ndihmën e parë ia dhanë 2 persona që e panë rastësisht shpërthimin. E nxorën menjëherë jashtë se brenda pati shumë tym. I plagosuri ishte nxirë i gjithi nga pluhuri. Shpërthimi ishte shumë i fuqishëm, u trondit gjithë vendi”,- ka thënë dëshmitari, siç raporton “BalkanWeb”.
Mësohet gjthashtiu se shpërthimi ka ndodhur në momentin që shitësi është ulur në tavolinën e punës.
Policia tha se nuk bëhet fjalë për lëndë eksplozive tritol, por pritet të sqarohet se çfarë e ka shkaktuar këtë shpërthim të fuqishëm.
I plagosuri është transportuar për në Spitalin e Traumës ku mësohet se gjendja e tij shëndetësore është stabilizuar. 
/a.m.
