Shpërthimi i Manjanit në KLD: Gjyqtari lyp seks, janë pa kuptim procedurat që diskutoni

Kërkoj ndjesë për këtë parashtresë. E kuptoj shumë mirë që në gjuhën gjyqësore kjo që them unë nuk vlen ndoshta, por këtu nuk jemi në një çështje konkrete, nuk jemi në një gjyq me palë, ku procedura sigurisht është garanci për palët. Këtu jemi për të mbrojtur… ka një palë që duhet ta mbrojmë, interesin publik. Në qoftë se ne dalim nga ajo derë sot dhe i themi opinionit publik që s’na lejnë procedurat për të hequr një njeri që ka lyp seks për çështje pune. Më falni, por unë nuk kam fytyrë ta bëj këtë gjë. Kërkoj ndjesë për këtë. Realisht nuk kam fytyrë.
“Unë nuk e di se si do ta justifikoj?!
Erdhi procedura, jo s’erdhi procedura.
Jo iku ky, jo nuk iku ky.
Nuk e kuptoj?!
Mbledhja është e jashtëzakonshme, nuk është e zakonshme. Është e jashtëzakonshme. Në mbledhje të jashtëzakonshme ka procedura që fillojnë e rrudhen. Është normale kjo.
Pse bëhet kjo?
Për reagim proporcional.
Parimi proporcionalitetit nuk e kam shpikur unë, nuk e ka shpiku as kjo KLD, është parimi i së drejtës dhe sigurisht prandaj ka institucione prej mishi dhe prej gjaku që i jetësojnë këto parime, se ndryshe mbesin në muze ata, si duhen askujt. Në këtë kuptim kjo është logjika e propozimit, kjo ka qenë gjithë arsyetimi që kemi bërë nga mbrëmë deri sot për këtë punë, jo se jemi më të mençurit, por për shkak të detyrës. Duke qenë ministër, Presidenti është President, anëtarët e Këshillit të Lartë të Drejtësisë bëjnë detyrën e tyre dhe kjo është e gjithë historia e kësaj pune.
Unë e kuptoj që ka diskutime për të shkuarën e kësaj KLD-je, pa fund, ne mund të zgjatemi pa fund për këtë. Por nuk është besoj unë ky momenti që ne tani të fillojmë të rimarrim tema të vjetra për t’i bërë të reja, se nuk ka kuptim. Bindja ime është që në pesë minuta, opinion publik do një lajm prej nesh. Kaq. Faleminderit

ma.me