Zbardhen detaje ty reja nga shpërthimi me tritol dje në automjetin e nëndrejtorit të ALUIZNI-t në Durrës, Gerti Aleksi.
50 gram tritol artizanal janë përdor nga 2 të rinj për shpërthimin e mjetit bënë me dije burime nga grupi hetimor për News 24.
Dy personat e moshës së re janë parë nga kamera e sigurisë në këtë zonë teksa hedhin në pjesën e përparme lëndën plasëse e më pas largohen në errësirën e lagjes nr. 1. Policia po punon për të zbardhur identitetin e tyre, ndërsa janë shoqëruar 20 persona me precedentë penalë dhe po merren në pyetje. Sipas burimeve nga grupi hetimor kjo ngjarje ka qenë një kërcënim ndaj nëndrejtorit të Legalizimeve, se sa një atentat i mirëfilltë ndaj tij. Burimet saktësojnë se edhe nëse në mjet do të kishte persona nuk do të kishin pësuar lëndime sepse sasia e tritolit e përdorur ishte e vogël. Pista kryesore e hetimeve mbetet ajo për shkak të detyrës, pasi Aleksi nuk figuron person me precendentë apo të ketë konflikte personale me persona të tjerë.
Shpërthimi me tritol i automjetit të Gert Aleksit, ka dërguar në vendngjarje kreun e bashkisë së Durrësit, Vangjush Dako dhe të ALUIZNI-t Flamur Gjuzi. Pak minuta pas shpërthimit Aleksi ka dalë nga banesa dhe i ka konfirmuar policisë në vendngjarje se automjeti i shpërthyer është i tij. Pas konfirmimit nuk dihet se për çfarë motive apo e ndikuar nga persona të tjerë e mbajti të fshehtë dhe për asnjë moment nuk përmendi emrin e nëndrejtorit të ALUIZN-it, i cili njihet edhe si njeri i afërt gjaku me kreun e bashkisë, Vangjusuh Dako.
Kryebashkiaku vetëm pak minuta më vonë së bashku me Gjuzin janë parë në vendngjarje nga banorë të lagjes dhe më pas të tre janë ulur në një prej lokaleve pranë zonës së shpërthimit. Mësohet se në polici Aleksi ka thënë se nuk ka asnjë konflikt personal me persona të tjerë, çka shton dyshimet se shpërthim i makinës së tij me tritol mund të jetë bërë për shkak të detyrës që ai mban.
BW/d.i.
