Shpërthimi i bombulës në Don Bosko, qytetarët e denoncuan rastin dhe në Bashki
Vendi ku shpërtheu bombula e gazit në rrugën “Don Bosko” në Tiranë, ditën e dielë dhe ku u plagosën 21 persona, vazhdon të jetë ende një skenë krimi.
Policia vazhdon ta këtë nën ruajtje, ndërkohë që edhe ditën e hënë vazhduan veprimet hetimore për të zbardhur shkaqet e kësaj ngjarje, që për fat të mirë nuk pati vkitima.
Banorët dhe bizneset pranë pastiçerisë ku ndodhi ngjarja, janë ankuar disa herë pranë institucioneve shtetërore. Një ankesë është bërë pranë Bashkisë së Tiranës, në datën 15 Qershor.
Pavarësisht kësaj, asnjë përfaqësues i këtij institucioni nuk ka shkuar për të kontrrolluar. Gjithashtu, banorët thonë se kanë kryer dhe një denoncim online të problemit në Komisariatin Dixhital në muajin Korrik, aplikacion i lançuar nga Ministria e Brëndshme, ku qytetarët mund të dënoncojnë çdo shkelje të ligjit.
Por edhe në këtë rast, auoritetet nuk kanë ndërhyrë për të zgjidhur shqetësimin e banorëve dhe bizneseve. U desh ngjarja e të dielës, që policia të nisë hetimet për pronarin e pastiçerisë, për moszbatim të rregullave teknike në punë.
Abdulla Dervishi është marrë në pyetje nga oficerët e policisë. Ai mësohet të ketë deklaruar se, bombula ka qënë me defekt. Bashkëshortja e tij, Paqësorja, edhe ajo e plagosur gjatë shpërthimit, ka tentuar të hapë bombulën, por valvula ishte bllokur.
Në këtë moment, ai ka marrë një çelës dhe në tentativë për ta hapur ka ndodhur shpërthimi.
Në pyetje po merren dhe të plagosurit e tjerë, ku po japin dëshmitë e tyre, dëshmi të cilat nuk kanë dhënë elementë të vlefshme për hetimin. Disa prej tyre nuk kanë parë asgjë, duke qënë se çdo gjë ka ndodhur mjaft shpejt.
Prokuroria ka nisur hetimet për shkelje të rregullave të sigurisë në punë, ndërsa akuzat do të ngrihen ndaj pronarit të pasticerisë.
