Prokuroria e Fierit ka bërë pubike të dhënat paraprake të rezultateve të deritanishme të hetimeve lidhur me shpërthimet e kompanisë kanadeze “Bankers Petroleum” në Patos-Marinzë.
Siç bën të ditur organi i akuzës, në kuadër të hetimit, krahas veprimeve të tjera proceduriale, janë administruar edhe rezultatet e ekspertimeve të disa institucioneve.
Kështu të dhënat e mbledhura nga Agjencia Kombëtare e Burimeve Natyrore, nënkontraktori i “Bankers” që kryen operacionet e shpimit, ka qenë i papërgatitur, si në aspektet teknike, ashtu edhe ato organizative, për të përballur raste të tilla.
Sipas Shërbimit Gjeologjik Shqiptar shkaktarë të fenomeneve të ndodhura është veprimtaria shfrytëzuese e naftës nga ana e kompanisë. Ndërsa rezultatet e Agjensisë Kombetare të Mjedisit kanë evidentuar se vlera e matur e dioksidit të sulfurit tejkalon në masën 56.1 % normën e Organizatës Botërore të Shëndetësisë. Ndërsa norma e dioksidit të nitrogjenit tejkalon në masën 49% normën e OBSH-së.
Shqetësimi i ngritur nga banoërt e Marinzës se uji i Ujësjellësit të fshatit nuk mund të përdoret për furnizim publik është mbështetur edhe nga rezuktatet e Ministrisë së Shëndetësisë. Sipas Ministrisë uji i fshatit mund të përdoret vetëm për përdorim komunal, deri në përmbushjen e kërkesave të cilësisë së ujit, sipas standartit shqiptar në fuqi dhe Direktivave të BE-së. Uji i puseve familjare është jashtë standartit, rekomandohet të mos përdoret.
Redaksia Online
(JavaNews.al)
