Një sasi eksplozivi ka shpërthyer në objekt në qytetin e Durrësit ditën e sotme. Tritoli ishte vendosur në një godinë 3-katëshe në lagjen Nr.14 të qytetit bregdetar. Nga shpërthimi nuk pati të lënduar, por vetëm dëme materiale.
Në vendngjarje shkuan menjëherë forcat policore dhe nga verifikimet në terren bënë të mundur në kohë rekord zbardhjen e ngjarjes dhe identifikimin e autorit të dyshuar. Kështu, në pranga është vënë 44-vjeçari Gentjan Meta, banues në Shijak, pronar i një lokali. Bashkë me të është arrestuar edhe menaxheri i lokalit në pronësi të Gentjan Metës, Besnik Zela 34 vjeç. Në makinën e këtij të fundit u gjet një pistoletë me 7 fishekë.
Gjithashtu në vijim të veprimeve u procedua penalisht edhe vëllai i autorit të dyshuar të ngjarjes, shtetasi A. Meta 46 vjeç, pasi nga kontrolli i ushtruar në banesën e tij në Shijak iu gjet një sasi vere me logon e një subjekti tjetër, veprime këto që bien ndesh me vendimin e gjykatës.
/a.r
