Një shpërthim i fortë ka ndodhur këtë mëngjes në Sanremo, në Itali në një vilë ku ndodhej aktori i njohur italian Gabriel Garko.
Shpërthimi është shkaktuar nga rrjedhja e gazit dhe ka lënë të vdekur një 77-vjeçare ndërkohë aktori Garko është plagosur.
Sipas mediave italiane, gruaja që ka humbur jetën është e moshuara Maria Grazia Gugliermetti.
Gabriel Garko u transportua në spitalin e Borea në Liguria ku mori mjekimet dhe sipas raportimeve ai është jashtë rrezikut për jetën.
Sipas mjekëve, ai ka pësuar një goditje në kokë, por nuk përbën shqetësim.
