Një shpërthim ka alarmuar zonën e Fushë Kosovës paraditen e sotme. Brenda një lokali është hedhur një granatë që ka shpërthyer dhe ka shkaktuar dëme të mëdha materiale.
Edhe makinat e parkuara jashtë lokalit kanë pësuar dëme dhe u janë thyer xhamat si pasojë e shpërthimit. Gjithsesi, policia ka konfirmuar se nga informatat fillestare nuk ka persona të lënduar.
“Sot rreth orës 06:00 kemi pranuar informatën për një shpërthim në rrugën “Shefki Kuleta”në Fushë Kosovë”. Menjëherë në vendin e ngjarjes kanë dalë njësitet e nevojshme policore të cilat po merren me rastin. Bazuar në të dhënat fillestare nuk raportohet për persona të lënduar, janë shkaktuar vetëm dëme materiale. Rasti është cilësuar si shkaktim i rrezikut të përgjithshëm, dhe po trajtohet nga njësitet përkatëse,”- thuhet në përgjigjen e policisë.
Gjithsesi nuk raportohet as për ndonjë të arrestuar në lidhje me këtë ngjarje.
/a.r
