Një automjet ka shpërthyer në ecje mesditën e sotme në aksin Sauk-Teg në Tiranë.
Si pasojë e shpërthimit është dëmtuar drejtuesi i automjetit.
Paraprakisht thuhet se ai ndodhet jashtë rrezikut për jetën.
Ende nuk dihen arsyet e shpërthimit. Forcat zjarrfikëse mbërritën në vendin e ngjarjes dhe po punojnë për shuarjen e flakëve.
“Më datë 11.06.2022, në orën 13:35, në afërsi të TEG-ut, automjeti tip “Benz”, që drejtohej nga shtetasi A. S., 27 vjeç, ka shpërthyer, dyshohet nga lëndë eksplozive.
Si pasojë është dëmtuar drejtuesi i mjetit dhe ndodhet në spital nën kujdesin e mjekëve, në gjendje të rëndë shëndetësore.
Në vendngjarje ndodhen shërbimet e Policisë, ekipi antieksploziv i RENEA-s dhe Grupi hetimor vijon punën për zbardhjen e plotë të rrethanave të ngjarjes, identifikimin dhe kapjen e autorëve“, bën me dije policia.
g.kosovari
