Një automjet ka shpërthyer në flakë në dalje të tunelit të Krrabës, në aksin rrugor Elbasan-Tiranë.
Mësohet se ngjarja ka ndodhur rreth orës 15.20 minuta dhe raportohet se nuk ka pasur persona të plagosur. Sipas informacioneve personat që ndodheshin në mjet kanë arritur të dalin nga mjeti sapo kanë konstatuar flakët.
Zjarrë fikësja shkoi drejt vendngjarjes ndërkohë pritet kryerja e ekspertizës për të zbuluar shkaqet e ngjarjes.
Nuk dihet ende nëse kemi të bëjmë me shpërthim eksplozivi apo me ndonjë defekt teknik të mjetit. Paraprakisht kjo e fundit është pista më e besueshme.
