Enca Haxhia e ka parë shpesh veten në faqet e para të gazetave e revistave shqiptare, herë me lajme të vërteta e herë me thashetheme bizarre. Por këtë herë, duket se Enca nuk ka duruar dot më dhe ka shpërthyer.
Këngëtares 21-vjeçarja i ka ardhur në majë të hundës me negativitetin dhe joprofesionalizmin e gazetarëve që vazhdojnë të shkruajnë lajme “dashakeqe, skandaloze dhe tendencioze” për të.
“Jam e neveritur sesa negativitet, keqdashësi dhe vrer vjellin shqiptarët ndaj njëri-tjetrit, njerëzit e vegjël dhe të dështuar nuk do ta kuptojnë kurrë se nuk ndërtohet suksesi duke hedhur baltë mbi atë të tjetrit dhe anasjelltas, nuk mbulohet dielli me shoshë. Jam e bindur se kam qenë personazhi publik që i ka anashkaluar më së shumti lajmet dashakeqe/skandaloze/tendencioze, por çdo gjë ka një kufi, Fatkeqësisht përveç gazetarëve profesionalë në Shqipëri, ekzistojnë dhe injorantë të zhytur në mut deri në fyt . Shihemi në gjykatë ku*vë, nuk do të jesh në gjendje të ushqesh familjen tënde pas kësaj”, ka shkruar këngëtarja në një status në Facebook, duke lënë të kuptohet se do t’i zgjidhë gjërat në mënyrë ligjore. /xing.al/
