Një çift bashkëshortësh kanë mbetur të plagosur si pasojë e shpërthimit të një bombole gazi në oborrin e banesës. Ngjarja ka ndodhur ditën e djeshme në fshatin Dukaj, në lagjen “Kordhaj”, brenda oborrit të banesës, ku si pasojë ka mbetur i plagosur 63 vjeçari A.K., dhe bashkëshortja e tij F.K., 57 vjeç, të dy banues në Tiranë. Si pasojë e shpërthimit, çifti i të moshuarve kanë marrë plagë në fytyrë dhe në pjesë të ndryshme të trupit. Menjëherë pas plagosjes ata janë dërguar në spital për të marrë ndihmën e nevojshme mjekësore, ndërsa raportohet se ndodhen jashtë rrezikut për jetën. Lidhur me rastin, materialet i kaluan Prokurorisë së Rrethit Gjyqësor Gjirokastër.
ma.me
