Një bombol gazi, e cila shërbente për ngrohje, ka shpërthyer në banesën e dy të moshuarve në Durrës.
Ngjarja ka ndodhur sot në mbrëmje rreth orës 19:12, në lagjen Nr.12, në afërsi të Pallatit të Sportit, në banesën e shtetasit S.M. ka shpërthyer një bombël e vogël gazi që shërbente për ngrohje.
Për pasojë janë dëmtuar lehtë shtetasit S.M., 77-vjeç dhe bashkëshortja e tij, S.M., 73-vjeçe, të cilët po marrin ndihmë mjekësore në Spitalin Rajonal Durrës.
Në vendngjarje ndodhen efektivët e policisë, të cilët po punojnë për sqarimin e rrethanave të ngjarjes.
