Një bombë shpërtheu sot në Athinë para zyrave të Federatës së ndërmarrjeve greke duke shkaktuar dëme, por jo viktima, theksoi një burim policor.
“Telefonatatat e dy të përditshmeve greke kishin lajmëruar policinë në orën 00:50 GMT për një atentat të mundshëm kundër Federatës greke të ndërmarrjeve”, deklaroi i njëjti burim.
Ky burim policor përjashtoi çdo lidhje të mundshme me lëvizjen xhihadiste duke theksuar se atentati kishte të gjitha karakteristikat e një akti të kryer nga një prej grupeve klandestine greke.
Imazhet në televizion kanë treguar dritaret e thyera në ndërtesë, që ndodhet përballë një prej hoteleve të mëha të Athinës dhe përkrah ambasadës së Qipros në kryeqytetin grek.
Sipas informacioneve të shtypit, bomba ishte vendosur në një çantë para zyrave të Federatës, që ndodhen pranë sheshit Syntagma, në qendër të Athinës.
