Ditën e fundit vendi ynë ka shfaqur një numër të lartë të infektuarish me Covid, duke shënuar edhe rekorde.
Në Vlorë është mbyllur një kopsht, ku 4 persona kanë rezultuar pozitiv me COVID-19. Të infektuar me koronavirus janë 2 sanitare dhe dy edukatore. Kopshti ka një staf prej 15 personash, të cilët po mbahen në vëzhgim epidemiologjik dhe po u bëhet tamponi.
Në Pogradec është mbyllur kopshti “Persefoni Treni” në lagjen nr 2. Shkak përhapja e Covid-19 në personel. Para një jave rezultuan pozitiv 2 sanitare, ndërsa ditën e djeshme kanë rezultuar pozitiv 4 edukatore. Kopshti është mbyllur dhe janë nënshtruar tamponin edhe pjesës tjetër të stafit.
Janë prekur gjithashtu nga Covid-19 një edukatore e një sanitare në kopshtin nr. 31 në Tiranë dhe si pasojë është mbyllur kopshti.
Kujtojmë që deri më tani në vendin tonë 454 persona kanë humbur jetën nga koronavirusi, ndërsa numri i përgjithshëm i të infektuarve ka shkuar në 17.350.
/e.rr
