Dy bomba kanë shpërthyer sot në afërsi të një hoteli në Egjipt, ku ishin vendosur gjyqtarët që kishin monitoruar zgjedhjet e fundit në qytetin el-Aris, që konsiderohet të jetë më i madhi në gadishullin e Sinait.
Sipas Reuters të paktën katër persona kanë humbur jetën, ndërsa 12 tjerë janë plagosur.
Në mesin e të plagosurve janë të paktën dy gjyqtarë, të cilët kanë mbikqyrur zgjedhjet parlamentare.
Deri tani askush nuk e ka marrë përgjegjësinë për sulmet terroriste.
Televizioni shtetëror dhe burimet e sigurisë, kanë bërë të ditur se fillimisht kishte shpërthyer auto-bomba, dhe më pas është dëgjuar edhe shpërthimi i dytë.
Sulmuesi vetëvrasës ishte përpjekur të futet me auto-bombë në hotel, para se forcat e sigurisë të hapnin zjarr mbi të, çka ka bërë që të shpërthente bombën.
