Kryetarja e LSI, Monika Kryemadhi thotë se kreu i KED, Ardian Dvorani është kapur nga mazhoranca. Në një komunikim me gazetarët pas kthimit nga Amerika, kryetarja e LSI thotë se kapja e KED nga mazhora ka krijuar krizën politike ku jemi sot.
“Shkelja e ligjit të zotit Dvronani sa i përket shpalljes dhe publikimit në fletoren zyrtare është një proces për të cilin ajo është një zgjedhje që ka bërë presidenti për ta cuar më tutje.
Nuk janë të rastësishme të gjithë veprimet dhe kapjet që ka kërkuar të bëjë mazhoranca dhe kryeministri Rama.
Mos ngritja e gjykatës kushtetuese për më shumë se dy vite, bllokimi i ngritjes së KED, në mënyrë që KED të drejtohej nga një i besuar i Ramës.
Situata ekonomike dhe kriza ekonomike që ka ndërtuar zoti Rama e ka bërë të pavëmendshme opinionin pubolik ndaj kapjes dhe përdorimit të instrumenteve të ndryshme për kapjen e sistemit dhe reformës në drejtësi.
Mos publikimi i dekreteve të presidentit në fletoren zyrtare dhe publikimi i një shpallje të KED tregon haptazi sesi është përdorur dhe përdoret sistemi i drejtësisë dhe tregon se lidhja e Dvornait dhe kapja e Dovranit nga mazhoranca nuk kanë bërë gjë tjetër veçse kanë prodhuar atë krizë politike që jemi sot”, deklaroi kryetarja e LSI.
E pyetur për mundësinë për shpërndarjen e parlamentit, e lene te kuptohet nga artikulimi i Presidentit Ilir Meta, Kryemadhi u pergjigj se ngritja e Gykatës është një hap për zgjidhjen e këtij problemi. Kryemadhi përcolli edhe mesazhin dhe qëndrimin që Amerika ka ndaj Shqipërisë.
“Une nuk mendoj se Shqiperia ka nevojë për emra të përvecëm. Ngritja e GJK është një hap për zgjidhjen e këtij problemi. Nisja e punës së GJK do jetë garanci për opozitën. Dua të theksoj se SHBA kanë vetëm një qendrim, larg duart e politikës nga sistemi i drejtësisë që pandëshkueshmëria të mos jetë më vlerë e qeverisjes, të ndeshkohën ata që shkelin ligjet dhe janë te perfshire në proceset korruptive që kalon sot vendi”, deklaroi Kryemadhi.
g.kosovari
