Një 29-vjeçar ka rënë në prangat e policisë së Tiranës, pasi akuzohet për shpërndarje dhe shitje të lëndëve narkotike.
Uniformat blu bëjnë me dije se në pranga ka rënë shtetasi E. B., 29 vjeç, banues në Tiranë.
Arrestimi i tij u bë pasi gjatë kontrollit fizik,kontrollit të banesës dhe të biznesit të tij, shërbimet e Policisë gjetën dhe sekuestruan në cilësinë e provës materiale dy qese plastike me lëndë narkotike të dyshuar kokainë, e ndarë në doza, gati për shitje, një sasi lëndë narkotike kanabis, 3 peshore që shërbenin për peshimin e lëndës narkotike dhe një sasi parash të dyshuara të përfituara nga shitja e lëndës narkotike.
Njoftimi i policisë
Goditet nga Komisariati i Policisë Nr. 6, një tjetër rast i shpërndarjes së drogave të forta.
Sekuestrohen dy qese plastike me lëndë narkotike të dyshuar kokainë e ndarë në doza gati për shitje, një sasi lënde narkotike e dyshuar kanabis, 3 peshore elektronike si dhe një shumë parash e përfituar nga veprimtaria kriminale.
Vihet në pranga poseduesi i tyre. Në vijim të punës për goditjen e veprimtarisë kriminale të shpërndarjes së drogave në doza, bazuar në informacionet e marra se një shtetas shpërndante lëndë narkotike kokainë dhe kanabis në Astir, shërbimet e Komisariatit të Policisë Nr. 6, kanë bërë kapjen dhe arrestimin në flagrancë të shtetasit E. B., 29 vjeç, banues në Tiranë.
Arrestimi i këtij shtetas u bë pasi gjatë kontrollit fizik,kontrollit të banesës dhe të biznesit të tij, shërbimet e Policisë gjetën dhe sekuestruan në cilësinë e provës materiale dy qese plastike me lëndë narkotike të dyshuar kokainë, e ndarë në doza, gati për shitje, një sasi lëndë narkotike kanabis, 3 peshore që shërbenin për peshimin e lëndës narkotike dhe një sasi parash të dyshuara të përfituara nga shitja e lëndës narkotike.
Materialet i kaluan Prokurorisë së Rrethit Gjyqësor Tiranë, për veprën penale “Prodhimi dhe shitja e narkotikëve”.
