Goditet një rast i shpërndarjes së drogave të forta në doza të vogla, duke vënë në pranga një person në Mirditë.
Në bazë të informacioneve të marra në rrugë operative se një person shpërndante lëndë narkotike në doza të vogla, kanë organizuar punën, ku në fshatin Perlat kanë bllokuar mjetin me drejtues shtetasin A.N., duke kontroll ndaj tij dhe të automjetit.
Si rezultat i kontrollit, policia gjeti dhe sekuestroi në cilësinë e provës materiale doza me lëndë narkotike heroinë dhe një sasi lekësh, të dyshuara të përfituara nga shitja e lëndës narkotike.
Në përfundim të veprimeve të kryera, u bë arrestimi në flagrancë i A.N., 41 vjeç, banues në Mat, për veprën penale “Prodhimi dhe shitja e narkotikëve” si dhe është bërë sekuestrimi i automjetit.
Ndaj të dyshuarit për ndjekje të mëtejshme, materialet iu referuan Prokurorisë së Lezhës.
g.kosovari
