Dy të rinj janë arrestuar ditën e sotme në Shkodër pasi janë kapur me doza heroine në makinë.
Policia bën me dije se në kuadër të operacionit ‘Weekend’ në pranga kanë rënë E. S., 21 vjeç dhe A. V., 24 vjeç, të dy banues në Shkodër.
Mësohet se dy të arrestuarit shpërndanin doza drogash të forta, në qytet.
“Shërbimet e Policisë, në kuadër të operacionit “Weekend”, kanë ndaluar për kontroll, automjetin me të cilin udhëtonin 2 shtetasit e arrestuar. Si rezultat, këtyre shtetasve iu gjet dhe iu sekuestrua në cilësinë e provës materiale, një sasi lënde e dyshuar narkotike heroinë, e ndarë në doza, gati për shitje.”- njofton policia.
Materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme.
/s.f
