Gjatë aktivitetit për falënderimin e Forcave të Armatosura për punën e bërë gjatë ditëve të vështira të përmbytjes, kryeministri Edi Rama premtoi shpërblim e rritje pagash për ushtarakët.
Rama ka uruar Forcat e Armatosura, të cilat pak ditë më parë festuan 105-vjetorin e krijimit.
Kryeministri Rama deklaroi se qeveria do të akordojë një shpërblim për të gjithë ushtarakët që përballuan me sukses emergjencën e përmbytjeve.
“Ditëlindjen e 105 të FA nuk mundëm ta celebronim në mënyrën tradicionale, sepse e kaluam në operacionet e shumta për përballimin e gjendjes së krijuar në vend si pasojë e reshjeve dhe prurjeve të jashtëzakonshme të lumit Vjosa, të cilat sollën dëme dhe kërcënuan jetë njerëzish. Më 4 dhjetor situata nuk na dha mundësi të jemi së bashku, sot jam këtu për t’iu uruar të gjithëve drejtpërdrejtë festën e FA, e cila për hir të së vërtetës nuk mund të kremtohej në mënyrën më kuptimplotë se sa në vijën e parë ku të gjithëve ju iu çoi detyra. Kjo është një festë e njerëzve nën uniformë dhe e familjeve të tyre, por e gjithë Shqipërisë dhe sot ja vlen të kujtohet se vendimi nga ku kjo festë buron për krijimin e ushtrisë shqiptare ishte i pari vendim i marrë nga qeveria e parë e pavarur, pak ditë pas lindjes së shtetit shqiptar. Këtë përvjetor të gjithë ju panë me admirim.
Kryeministri Rama deklaroi se ky do jetë viti i fundit që ushtria do ketë këto paga. Rama tha se viti 2018 do të jetë i fundit që do i gjejë ushtarakët me nivelin e pagave që ka tani, duke thënë se prioritet për 2019 do të jetë rritja e konsiderueshme e të gjitha pagave të ushtarakëve.
“Dhe sot angazhohem që viti 2018 do të jetë i fundit në të cilin buxheti i shtetit do të ketë rrogat ekzistuese. Rritja e konsiderueshme e të gjitha pagave për ushtarakët në vitin 2019,” tha Rama.”, deklaroi kryeministri
7 reparte të FA janë nderuar me medalje, për kontributin e jashtëzakonshëm të dhënë gjatë ditëve të përmbytjes
javanews.al/a.ç
https://www.facebook.com/edirama.al/videos/10155376029001523/
